Мемлекеттік қорытынды аттестаттау емтихандарының өту барысы
"2022-2023 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу туралы" Қазақстан Республикасы Оқу-ағарту министрінің 2023 жылғы 10 сәуірдегі №88 бұйрығының негізінде және «Орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдағы бақылауды, оларды аралық және қорытынды аттестаттауды өткізудің үлгілік қағидаларын бекіту туралы» Қазақстан Республикасы Білім және ғылым министрінің 2008 жылғы 18 наурыздағы № 125 бұйрығына өзгерістер енгізу туралы» Қазақстан Республикасы Оқу-ағарту министрінің 2023 жылғы 13 сәуірдегі № 96 бұйрығының 3-тарауына сәйкес Абай облысы білім басқармасының Аягөз ауданы білім бөлімінің "Қалалық қазақ мектеп-лицейі" КММ-де 08.06.2023ж. 11-сынып бітірушілері үшін алгебра және анализ бастамалары пәні бойынша мемлекеттік қорытынды аттестаттау емтихандары өткізілді. Жазбаша емтиханға барлығы 37 білім алушы қатысты. Емтиханға қатыспаған және босатылған оқушылар жоқ. Білім алушылар үлкен аудиторияда бір-бірден отырғызылды. Емтихан Астана қаласының уақытымен сағат 10:00 басталып, 15:00 аяқталды. Емтихан материалдарының бекітілген пакеттері емтихан басталудан 1 сағат бұрын комиссия мүшелерінің қатысуымен ашылды. Аудандық білім бөлімінің әдіскері А.Ө.Санкайбаева мен мектеп директоры Н.М.Жарова балаларға мотивациялық қолдау көрсетіп, сәттілік тіледі. Мемлекеттік емтиханды тапсыру барысында академиялық адалдық сақталды.
