«Қалалық қазақ мектеп-лицейі» КММ-нің 9-сынып ұлдары 10181 әскери бөліміне экскурсия жасады.

17 мамыр 2023 жылы «Қалалық қазақ мектеп-лицейі» КММ-нің 9-сынып ұлдары 10181 әскери бөліміне экскурсия жасады. Болашақ Отан қорғаушылар қару-жарақ пен әскери техника үлгілерімен танысты, сондай-ақ, сарбаздардың жатын орнын, асхана мен медициналық пунктерін аралады. Әскери қызметшілер қонақтарға алаңда сап дайындығының әдіс-тәсілдерін және жекпе-жек ұрысының элементтерін көрсетті. Әскерилерге осы іс-шара арқылы жасөспірімдерді ел қорғауға шақырып, елдің тыныштығын сақтау азаматтық борышы екенін түсіндірді. Мектеп оқушылары үшін кең көлемді мәдени бағдарлама әзірленді. Кездесуді өткізудегі мақсат-жасөспірімдердің бойында патриоттық сезімді қалыптастыру, отансүйгіштікке тәрбиелеу.