Бастауыш, негізгі орта, жалпы орта білім берудің жалпы білім беретін оқу бағдарламаларын іске асыратын білім беру ұйымдарында оқуға қабылдаудың үлгілік қағидаларына өзгерістер мен толықтырулар

 Қазақстан Республикасы Білім және ғылым министрінің 2021 жылғы 3 маусымдағы № 275 бұйрығымен (Қазақстан Республикасының Әділет министрлігінде 2021 жылғы 4 маусымда № 22933 болып тіркелген, ҚР НҚА электрондық түрдегі эталондық бақылау банкі, 08.06.2021 жыл) Бастауыш, негізгі орта, жалпы орта білім берудің жалпы білім беретін оқу бағдарламаларын іске асыратын білім беру ұйымдарында оқуға қабылдаудың үлгілік қағидаларына өзгерістер мен толықтырулар енгізіліп, «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау» және «Бастауыш, негізгі орта, жалпы орта білім беру ұйымдары арасында балаларды ауыстыру үшін құжаттарды қабылдау» мемлекеттік қызметті көрсету Стандарттары жаңа редакцияда бекітілгендігін хабарлаймыз.

Оқуға құжаттарды қабылдау мерзімдерінің өзгеруіне назар аударамыз:

- бастауыш, негізгі орта, жалпы орта білім беру ұйымдарына оқудың күндізгі және кешкі нысанына қабылдау үшін – күнтізбелік жылдың 20 тамыздан кешіктірмей;

- 1 сынып үшін күнтізбелік жылдың 1 тамызына дейін; 

- 10 сынып үшін күнтізбелік жылдың 15 тамызына дейін.

Бастауыш, негізгі орта, жалпы орта білім беру ұйымдары арасында балаларды ауыстыру үшін құжаттарды қабылдау каникул кезеңінде жүзеге асырылады (сот шешімін, басқа елді мекенге көшуді, Қазақстан Республикасынан тұрақты тұруға кетуді қоспағанда).

Қазақстан Республикасының «Мемлекеттік көрсетілетін қызметтер туралы» Заңының 5 бабына сәйкес, көрсетілетін қызметті берушілер көрсетілетін қызметті алушыларға мемлекеттік қызметтер көрсету тәртібі туралы қолжетімді нысанда толық және анық ақпарат ұсынуға міндетті.

Мемлекеттік қызметтер көрсету саласындағы заңнаманың сақталуы бойынша тексерілетін субъектілер тәуекел дәрежесінің субъективтік критерийлердің                          5 тармағына сәйкес (Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 31 қазандағы № 253 және Қазақстан Республикасы Ұлттық экономика министрінің 2018 жылғы 31 қазандағы № 51 бірлескен бұйрығы) көрсетілетін қызметті алушыларға мемлекеттік қызметтер көрсету тәртібі туралы толық және анық ақпаратты ұсынбау елеулі бұзушылық екендігіне назар аударамыз.

Қазақстан Республикасы «Мемлекеттік көрсетілетін қызметтер туралы» Заңының 23 бабының бұзылуын болдырмау үшін үш күндік уақытта «Электрондық қызметтер орталығы» интернет-порталында қызметті көрсету тәртібі туралы ақпаратты және көрсетілетін қызметті берушілердің орналасқан жерлерінде ақпараттық стендтерді өзектендіру қажет.