«Жетекші мектеп-кәсіби серіктестікті құру алаңы» тақырыбында облыстық форум
2022 жылдың 12 желтоқсанында Абай облысының Білім басқармасы Облыстық инновациялық – әдістемелік орталығы және педагогикалық шеберлігі орталығы мен Назарбаев зияткерлік мектебінің ұйымдастыруымен «Жетекші мектеп-кәсіби серіктестікті құру алаңы» тақырыбында облыстық форум өткізілді. Форумның мақсаты: облыстық жетекші мектеп мұғалімдерінің кәсіби дамуын қолдау және озық педагогикалық тәжірибені таныстыру үшін ұйымдастырушылық-әдістемелік жағдай жасау болып табылады. Форум аясында Семей қаласы физика-математика бағытындағы Назарбаев Зияткерлік мектептері мұғалімдерінің әдістемелік қолдауы алаңы, дөңгелек үстел, Market Place, PITCH-SESSION ұйымдастырылды. Форумға Абай облысы білім басқармасының Аягөз ауданы білім бөлімінің «Қалалық қазақ мектеп-лицейі» КММ директоры Жарова Назигуль Муратбековна, директордың оқу-тәрбие ісі жөніндегі орынбасарлары Анкебаева Асем Маркаленовна, Ешенгалиева Самал Демеугалиевна, Узбеканова Меруерт Еркиновна, директордың ғылыми істер жөніндегі орынбасары Керимбаева Жанар Рахымовна, директордың тәрбие ісі жөніндегі орынбасары Нуркамбаева Акерке Мураткажиевна «Серіктес мектеп ретінде жетекші мектептермен жұмыс» тақырыбында Market place форматында өз тәжірибелерімен бөлісіп, педагогикалық шеберлік орталығы Өскемен қаласы филиалы директорының дипломымен марапатталды.
