“Педагог-сарапшылармен бір күн” атты мектепішілік семинары

“Қалалық қазақ мектеп-лицейі” КММ -де 05.02.024 ж директордың ғылыми істер жөніндегі орынбасары Керимбаева Ж.Р ұйымдастыруымен “Педагог-сарапшылармен бір күн” атты мектепішілік семинары өтті. Іс-тәжірибе алмасу алаңында мектебіміздің педагог-сарапшылары ұстаздар қауымымен өз іс-тәжірибесімен бөлісті. Бағдарлама аясында I бөлімде педагог-сарапшылар “Ашық есік” күнінде ашық сабақтарын өткізіп, II бөлімінде түрлі тренингтер мен коучингтар ұйымдастырып, өз іс-тәжірибесінен білім саласындағы түрлі трендтермен бөлісіп, барлық ұстаздардың ризашылығына бөленді. Сергіту сәттері, білім-лотореясы, ән, бимен ұласқан кеште ұстаздарымыз бір серпіліп қалды. Team building - оқу әрекеттері арқылы командалық жұмысты нығайту мақсатында ұйымдастырылған семинардың эстафетасын педагог-модераторларға табыстады. Кеш соңында мектеп директоры Жарова Н.М педагог-сарапшылардың шығармашылығына толағай табыстар тілеп, жылы лебізін білдірді. Көңілді кеш пен пайдалы әдіс-тәсілдермен бөліскен педагог-сарапшыларға алғыс білдіреміз!