«Білімнің басты құндылықтары: отаншылдық, білімге құштарлық, еңбекқорлық» тақырыбында Аягөз аудандық білім бөлімінің педагог қызметкерлерінің тамыз кеңесінің пәндік секциялық отырысы
2022 жылы 23 тамызда «Білімнің басты құндылықтары: отаншылдық, білімге құштарлық, еңбекқорлық» тақырыбында Аягөз аудандық білім бөлімінің педагог қызметкерлерінің тамыз кеңесінің пәндік секциялық отырысы өтті. Пәндік секциялық отырысында лицей ұстаздары баяндама оқып, іс- тәжірибелерімен бөлісті. Биология пәнінің мұғалімі Тұрсынгазина Жанна Тұрсынгазиновна «Оқушылардың пәнге деген қызығушылықтарын арттыруда инновациялық әдіс-тәсілдерді қолданудың маңыздылығы» тақырыбында баяндама оқыса, алғашқы әскери дайындық пәнінің мұғалімі Казбеков Даурен Бимуратович «Қазақстан Республикасының орта білім беру ұйымдарында оқу-тәрбие процесін ұйымдастырудың 2022-2023 оқу жылындағы ерекшеліктері туралы» мәлімет берді. Орыс тілі мен әдебиеті пәнінің мұғалімі Демесинова Данияш Амангельдиновна «Орыс тілі мен әдебиеті пәні сабағында құндылыққа бағытталған білім беру» тақырыбында баяндама жасады. Ағылшын тілі пәнінің мұғалімі Дюсенбаева Назым Нуртолеуовна «Ағылшын тілі пәні сабағында құндылыққа бағытталған білім беру» атты баяндамасын оқыды. Мектепке дейінгі ұйымдарының педагогтерінің секциялық отырысында Нұрлыбаева Гулнар Джумагалиевна «Инклюзивті білім беру жағдайында оқушыларды психологиялық – педагогикалық қолдаудың рөлі» тақырыбында баяндама жасады. Математика пәнінің мұғалімі Абжанова Қымбат Оразхановна «Дарынды балалармен жұмыс» тақырыбында баяндама жасап, іс- тәжірибесімен бөлісті.
Директордың оқу ісі жөніндегі орынбасарларының секциялық отырысы «Педагогикалық студия» форматында өтті. Директордың оқу -тәрбие ісі жөніндегі орынбасары А.М.Анкебаева «Жаһандық құзіреттілік курсының ерекшеліктері» туралы баяндама жасап, әріптестерімен тәжірибе алмасты.
