" Сабақтағы зерттеу- мұғалімнің кәсіби шеберлігін дамытуға апарар жол " тақырыбында аудандық семинар

2022 жылдың 12 сәуірінде Шығыс Қазақстан облысы Аягөз ауданы бойынша Білім бөлімінің " Қалалық қазақ мектеп-лицейі" КММ-де "Шабыт" қоғамдастығының бірлескен жұмыс жоспарына сәйкес " Сабақтағы зерттеу- мұғалімнің кәсіби шеберлігін дамытуға апарар жол " тақырыбында аудандық семинар өтті. Семинардың мақсаты: Мұғалім тәжірибесіндегі зерттеу сабағын көрсету. Семинарды мектеп директоры Н.М. Жарова ашып, сабақты зерттеу әдісі - мұғалімдердің кәсіби біліктілігін дамытудың тиімді тәсілі екенін айтып, шараға қатысушы педагогтерге сәттілік тіледі. Мектеп психологтері Б.Шәріпова мен Н.Бағдатова семинар қонақтарымен "Көңіл күй" тренингін өткізді.
Математика пәнінің мұғалімдері Оспанова Н.А., Оспанова А.Т., Рахимжанова Ж. Н. зерттеу сабақтарын көрсетіп, тәжірибе алмасты. Директордың оқу-тәрбие ісі жөніндегі орынбасарлары А.М.Анкебаева, А.М.Нұрқамбаева, С.Д. Ешенғалиева "Сабақты зерттеу әдістері арқылы білім сапасын нәтижеге бағыттау" тақырыбында коучинг өткізді. Директордың оқу-тәрбие, ғылыми істері жөніндегі орынбасарлары М.Е. Узбеканова мен Ж.Р. Керимбаева сандық білім ресурстарын пайдаланып, кері байланыс жасады. Білім бөлімінің әдіскері А.Ө. Санқайбаева және семинар қонақтары семинардың өте жоғары деңгейде өткенін айтып, лицей ұжымына алғыс білдірді.