«Даму» қауымдастығының «Шеберлік сағаттар» апталығы

2021 жылдың  5-10 қазан аралығында  «Даму» қауымдастығы мен «Жалын» жас мамандар мектебінің ұйымдастыруымен оқушы  бойына құндылықтарды  қалыптастыруда оқу мен тәрбие негізінде жаңаша оқыту формаларын саралау және жас мамандарға әдістемелік көмек беру мақсатында  педагог- зерттеуші ұстаздар шеберлік сағатын өткізді. Математика пәнінің мұғалімі Қ.О.Абжанова «Санның модулі», бастауыш сынып мұғалімдері А.Ж.Байкалиева «В» дыбысы, Ә.Т.Тұрғанғожина «Қаратпа сөз», дене шынықтыру мұғалімі  Б.Р. Ешенгазинов «Ойын жағдайында қабылдауды іске асыру», химия пәнінің мұғалімі Г.С.Жылыбаева «Металдардың оттекпен, қышқыл ерітінділерімен әрекеттесуі», мектепалды даярлық тобының тәрбиешісі Г.Ж.Нұрлыбаева «Суретпен жұмыс», қазақ тілі мен әдебиеті пәнінің мұғалімі Қ.Т.Тлеубердинова «Шалкиіз жырау «Би Темірге бірінші толғауы»  атты ашық сабақтар өткізіп, іс- тәжірибелерімен бөлісті. 

      Директордың оқу ісі жөніндегі орынбасарлары А.М.Анкебаева, С.Д.Ешенғалиева, М.Е.Узбеканова, директордың ғылыми істер жөніндегі орынбасары Ж.Р.Керимбаева, директордың тәрбие ісі жөніндегі орынбасары А.М.Нұрқамбаева кері байланыс жүргізді. Әрбір ұстаздың тиімді оқыту мен  оқуды жүзеге асыратын қысқа мерзімді жоспарларында «құндылықтармен байланыс» бөлімінде пәндік берілетін білімді жүзеге асыруда оқу бағдарламасында көрсетілген құндылықтарды,  сабақ арқылы баулуға бағытталған ұлттық және жалпы адамзаттық құндылықтар негізінде тақырып мазмұнын сипаттауды қарастырыру керектігі айтылды. Лицей ұстаздары  бір- бірінің сабақтарын көру арқылы тәжірибе алмасты.