9 - сыныптардың алғашқы мемлекеттік қорытынды аттестаттау сынағы өтті

28.05.2021 жылы мектебіміздің 9-сынып бітірушілері биылғы оқу жылының алғашқы мемлекеттік қорытынды аттестаттау сынағынан өтті. Алғашқы емтихан қазақ тілі пәнінен эссе форматындағы жазбаша емтихан болды. Емтиханда барлық санитарлық талаптар мен нормалар қатаң сақталды. 9 және 11-сынып бітірушілеріне алдағы МҚА сынақтарында сәттілік тілейміз!

9 (10) сынып білім алушылары:

1) қазақ/ орыс/ өзбек/ ұйғыр/ тәжік тілі (оқыту тілі) бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектеп оқушылары үшін жазбаша жұмыс (мақала, әңгіме, эссе) – 28 мамырда;

2) математикадан (алгебрадан) жазбаша емтихан (бақылау жұмысы) – 2 маусымда;

3) орыс, өзбек, ұйғыр және тәжік тілдерінде оқытатын сыныптардағы қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптардағы орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 5 маусымда.

11 (12) сынып білім алушылары:

1) қазақ/ орыс/ өзбек/ ұйғыр/ тәжік тілі (оқыту тілі) бойынша эссе нысанында жазбаша емтихан – 1 маусымда:

2) алгебра және анализ бастамалары пәнінен жазбаша емтихан (бақылау жұмысы) – 4 маусымда;

3) Қазақстан тарихынан тестілеу – 7 маусымда;

4) орыс, өзбек, ұйғыр және тәжік тілдерінде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу – 10 маусымда.

Мамандандырылған музыкалық мектеп-интернаттардың 11-сынып білім алушылары үшін:

1) ана тілі және әдебиетінен (оқыту тілі) эссе нысанында жазбаша емтихан – 1 маусымда;

2) алгебра және анализ бастамалары пәнінен жазбаша емтихан (бақылау жұмысы) – 4 маусымда.

Мамандандырылған музыкалық мектеп-интернаттардың 12-сынып білім алушылары үшін:

1) Қазақстан тарихынан тестілеу – 7 маусымда;

2) орыс, өзбек, ұйғыр және тәжік тілдерінде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу – 10 маусымда.