“Сандық білім беру дәуіріндегі “веб-сервистер атласы” тақырыбында жетекші және серіктес мектептер арасында онлайн форматында вебинар
22.04.2021 жылы “Қалалық қазақ мектеп - лицейі” КММ – де “Цифрлық Қазақстан” мемлекеттік бағдарламасын іске асыру жағдайында педагог қызметкерлердің цифрлық сауаттылығын қалыптастыру: “Сандық білім беру дәуіріндегі “веб-сервистер атласы” тақырыбында жетекші және серіктес мектептер арасында онлайн форматында вебинар өтті. Онлайн вебинарға Аягөз ауданы бойынша білім бөлімінің оқу, ғылыми-ұйымдастырушылық әдістемелік кабинет меңгерушісі Бейсекова Айгуль Толеубековна, жетекші мектеп “К.Бозтаев атындағы қазақ мектеп - гимназиясы” КММ үйлестірушісі Маликова Жанар Ыдырысовнаның басшылығымен құрылған “Шабыт” кәсіби қоғамдастығының ұстаздары, сонымен қатар ауданымыздың жетекші мектеп үйлестірушілері қатысты.
Вебинар мақсаты: Веб сервистер арқылы педагогтардың сандық құзыреттілігін арттыру, оқушыларға арналған үздік онлайн сабақтарын және қашықтан оқытуға арналған интерактивті тапсырмаларды құрастыруға үйрету.
Вебинарда білім беру жүйесін ақпараттандыру аясында, білім сапасын көтеруді жүзеге асыруға бағытталған түрлі интернет платформалар мен веб сервистердің мүмкіндіктерін көрсете білген “Қалалық қазақ мектеп-лицейі” КММ-нің пән мұғалімдері өз іс тәжірибесімен бөлісті. Вебинар барысында мектептің “Даму” қауымдастығының жұмысымен I деңгейлі сертификатталған педагог-зерттеуші С. Д. Ешенгалиева таныстырды, III деңгейлі сертификатталған ағылшын тілі пәні мұғалімі Ж.Р.Керимбаева“ Quizizz – веб сервисі арқылы ҰБТ-ға дайындықтың тиімді жолдары ” тақырыбында өз іс тәжірибесімен бөлісті, ал география пәні мұғалімі М.Е. Узбеканова Learning apps интерактивті тапсырмалар конструкторының мүмкіндіктерін көрсетті. III деңгейлі сертификатталған, педагог – сарапшы М.А. Райымбекова және Ж.А. Саманбетова Жаhандық сферадағы заманауи-QR-Код әдісі арқылы вебинар қатысушыларымен серіктес мектептер арасындағы жұмыс нәтижесінде ұстаздардың үйренген веб сервистер атласын көрсетті. Вебинар қорытындысында II деңгейлі сертификатталған педагог – зерттеуші Г.С.Жылыбаева мен А.К. Жекеева Jamboard тақтасы арқылы вебинар қатысушыларымен кері байланыс жүргізді.
Қорытынды сөзді А.Т Бейсекова вебинар ұйымдастырушылары мен қатысушыларына алғыс білдіріп, екі мектептің арасында орнаған серіктестіктің арқасында ұстаздарымыз білім саласында күн сайын заманауи үлгідегі өзгерістер мен жаңашылдыққа шапшаң ілесетін, цифрлы сауатты, жаңа бастамаларды қорықпай еңсеретін шығармашыл тұлға болатынына сенім білдірді.
