Семей қаласында "DIGITAL KAZAKHSTAN: ЖАҢА ЗАМАНДАҒЫ БІЛІМ БЕРУ"

🔰15 тамыз күні Семей қаласында "DIGITAL KAZAKHSTAN: ЖАҢА ЗАМАНДАҒЫ БІЛІМ БЕРУ" тақырыбында облыс педагогтерінің тамыз конференциясы болды. Онда Абай облысының әкімі Н.Т.Ұранхаев құттықтау сөз сөйлеп, 2023-2024 оқу жылының қорытындысы бойынша білім саласындағы озық тәжірибелі қызметкерлерді және "Орта білім беретін үздік ұйым" байқауына қатысып, озық шыққан білім беру ұйымдарын марапаттады. Нәтижесінде, Аягөз ауданының атынан қатысқан 30 жылдан аса тарихы мен өзіндік бірегей жұмыс стилі бар, зияткер элита қалыптастырушы "Қалалық қазақ мектеп-лицейі" КММ облыстық "Орта білім беретін үздік ұйым" байқауының жеңімпазы атанып (ГРАН ПРИ), облыс әкімінің тағайындаған 28000000 грантын ұтқанын растайтын сертификат иеленді. Егер облыста 306 білім беру ұйымы бар екенін ескерсек, бұл - керемет жетістік, аса үлкен мақтаныш. Осы орайда мектеп-лицейдің заман көшінен қалмай, жаңашылдықпен жұмыс жасауына ықпалын тигізіп отырған білікті көшбасшы, іскер директор Н.М.Жарованың басқаруындағы мектеп әкімшілігі мен ұстаздарының еңбегі орасан зор екенін атап өткен орынды.
Қазақстан Республикасы Білім және ғылым министрінің 2014 жылғы 26 желтоқсандағы № 544 бұйрығы негізінде "Орта білім беретін үздік ұйым" грантын иеленген Абай облысы білім басқармасының Аягөз ауданы білім бөлімінің "Қалалық қазақ мектеп-лицейі" КММ Грантты білім беру ұйымының материалдық-техникалық жарақтандырылуын жақсартуға және білім беру процесін ғылыми-әдістемелік қамтамасыз етуге жұмсайды. Олай болса, айтулы жеңісін он жылда бір тағы да қайталап отырған мектеп-лицей ұжымын қуаныштарымен құттықтаймыз. Қазақ баласының дарындылығын дамытып, білімін шыңдап, ұлттық тәрбиемен сусындату жолындағы еңбектеріңіз жана берсін, лицейліктер! Біз сіздермен мақтанамыз!📚🎼🎤🎻🎭🎨🧵🪡🏓⚽️🏆