“Lesson study зерттеу сабақтары-даму мен ілгерілеудің формуласы” тақырыбындағы облыс көлемінде іс тәжірбие алмасу алаңы
2023 жылдың 30 наурызында “Абай облысы білім басқармасы”ММ “Облыстық инновациялық-әдістемелік орталығы”КММ-нің басшылығымен Аягөз ауданы білім бөлімінің ұйымдастыруымен “Қалалық қазақ мектеп- лицейі”КММ- сінде “Lesson study зерттеу сабақтары-даму мен ілгерілеудің формуласы” тақырыбындағы облыс көлемінде іс тәжірбие алмасу алаңы өткізілді. Семинар бағдарламасына сай ашылуында Аягөз аудандық білім бөлімінің басшысы Н.Т.Әзімбаев құттықтау сөз сөйлеп,қатысушы мұғалімдердің жұмысына сәттілік тіледі. “Үйрену,білу үйреншікті жай ғана шеберлік емес,ол-жаңаны табатын өнер” деп Ж.Аймауытовтың сөзін басшылыққа ала отырып, мектеп директоры,тарих пәнінің мұғалімі,педагог- зерттеуші Жарова Назигуль Муратбековна мен директордың ғылыми істер жөніндегі орынбасары Керимбаева Жанар Рахымқызы MARKET PLACE бойынша “Мұғалім тәжірибесіндегі зерттеу”тақырыбында пән бірлестіктерінің тәжірибесін таныстырып өтті. Мектеп директоры Назигуль Муратбековна “Lesson study зерттеу сабақтары-даму мен ілгерілеудің формуласы”тақырыбында TEDx форматында баяндама оқып,бүгінгі күні LS,және іс-әрекетті зерттеу педагогтар арасындағы актуалды мәселе екендігіне тоқталды. Lesson Study – бұл сыныптағы іс-әрекеттегі зерттеу жұмысының ерекше түрі, ол мұғалімдер топтарының Lesson Study –ді бірлесіп жоспарлауын, оқуын, қадағалауын және талдауын көздейтіндігін атады. Lesson study зерттеу сабақтарына да тоқталды. “К.Бозтаев атындағы мектеп-гимназиясы”КММ-нің директордың бейіндік оқыту,ғылыми істер жөніндегі орынбасары Жумагулова Айгүл Ришатқызы “Мұғалім тәжірибесіндегі зерттеулер (LS ,AR)-тәжірибені жетілдірудің тиімді жолы” және мұғалім тәжірибесіндегі зерттеулер бойынша мектеп тренері Жолбарысова Мақпал Берикказыевна “Іс-әрекеттегі зерттеу үдерісінде бақылау арқылы нәтижеге қол жеткізу”тақырыптарында баяндама оқыды.
“Lesson study зерттеу сабақтарын химия пәнінің мұғалімі,педагог-зерттеуші Жылыбаева Гульжайна Сейсенбековна 10-сыныптармен “Алкендердің құрамы, қасиеті,реакцияға түсу қабілеті” тақырыбында, математика пәнінің мұғалімі, педагог- сарапшы Абжанова Қымбат Оразханқызы 5-сыныптармен “Санның пайызын және пайызы бойынша санды табу”тақырыбында, информатика пәнінің мұғалімі, педагог-модератор Исабаев Рауан Манарбекұлы 9-сыныптармен “PyGame (пайгейм) кітапханасы”тақырыбында, сабақ жүргізді. “К.Бозтаев атындағы мектеп-гимназиясы”КММ-нің бастауыш сынып мұғалімі,жоғары санатты педагог Мырзаханова Меруерт Макатаевна 4-сыныптармен “Өткен шақ” тақырыбында пән бойынша сабақ жүргізді
Қазақ тілі мен әдебиеті пәнінің мұғалімі, педагог-зерттеуші 51- топтың сынып жетекшісі Бозекенова Эльмира Орманғазықызы 5-сыныптармен “Адам болам десеңіз…”тақырыбында іс-әрекеттегі зерттеу сабағын өткізді.
Мектептің үйлестіруші модераторлары, директордың оқу-тәрбие ісі жөніндегі орынбасарлары Узбеканова Меруерт Еркиновна, Анкебаева Асем Маркаленовна, Ешенгалиева Самал Демеугалиевна, Нуркамбаева Акерке Муратовна, Керимбаева Жанар Рахымовна, директордың тәрбие ісі жөніндегі орынбасары Өміртаев Айдар Слямгазыұлы әріптестерінің өткізген сабақтары туралы талдау жасап, сабақты зерттеу мен іс-әрекеттегі зерттеудің тиімділігіне тоқталды. Сабақ соңында өте жоғары деңгейде бағаланды.
Жоспарланған іс -шаралар жоғары деңгейде өткізілгендігі туралы “Абай облысы білім басқармасы” ММ Облыстық инновациялық-әдістемелік орталығының директоры Исабаева Айнур Сергалиевна семинардың жоғары дәрежеде өткізілгендігін атап, тәжірибе алмасқан педагогтарға алғысын білдірді.
