«Тошия Чичибудың «Lesson study» сабақты зерттеу тәсілдерінің тиімді жолдары»

ШҚО ББ Аягөз ауданы бойынша білім бөлімінің «Қалалық қазақ мектеп-лицейі» КММ-сінің

директорының ғылыми істер жөніндегі орынбасары Керимбаева Ж.Р. 

«Тошия Чичибудың «Lesson study» сабақты зерттеу тәсілдерінің тиімді жолдары» 

Lesson study Жапонияда 19- ғасырда жаңа жалпы білім беретін жүйе орнатқан уақытта мектеп базасында, сонымен қатар өңірлік және ұлттық деңгейде пайда болды. Мұғалімдер жаңа оқыту әдістемесін талқылап, оны нақты сабақтарға бекіте бастады. Соңында бұл үдерістерді Lesson study деп атады. 1999 жылға дейін Жапондықтардан басқа Lesson study -ды  шамалы адамдар ғана білді. Тек Жапониядағы мұғалімдер ұзақ уақыт бойы өз тәжірибелерінде қолданды. 

Жапониядағы Lesson study -дың маңызы бүкіл әлемге танымал. Оның қуатты импульсын 1999 жылы жарыққа шыққан  «Оқытудағы олқылықтар» (Teaching gap) кітабынан байқауға болады. «Teaching gap»- Lesson study-ды бүкіл әлемге танымал еткен кітап болып табылады. Содан кейін LS тәжірибесі Жапониядағы барлық мектептерге берілді. «Қалалық қазақ мектеп-лицейі»КММ-нің ұстаздарына 2021-2022 оқу жылынан бастап Нагоя Университетінің профессоры, Қазақстанда «Сабақты зерттеу» (Lesson study) әдісін насихаттаушы жапондық ғалым Тошия Чичибудың әдісін өз тәжірибелеріне енгізу ұсынылды. Ұстаздарға ғылыми-әдістемелік кеңестің отырысында Тошия Чичибудың әдісі таныстырылды. Т. Чичибу өз деректерінде «Сабақты зерттеу» әдісін оқыту мен оқуды (үйрету мен үйренуді) жақсартудың құралы деп қабылдау керектігін айтқан екен. Т. Чичибу ұсынған Lesson study әдісінің тиімділігі ол біріншіден мектеп мұғалімдерінің бірге жұмыс істеп, біріңғай мақсат көздеп, зерттеу тақырыбын бірге анықтауында. Олар бірге ақпарат жинап, Lesson study-ді соның негізінде өткізеді. Lesson study-дің бұл түрінде әрбір мұғалім LS  өзі үшін емес, біріңғай тақырып үшін өткізеді. Жыл бойы өткізілген әрбір LS мектептегі LS үдерісі бөлшектерінен тұрады. Әрбір LS циклын өткізгеннен кейін мұғалімдер зерттеу нәтижелерін біріңғай тақырыпқа байланыстыруға тырысады екен. Таныстырылым барысында Lesson study әдісі бойынша Сабақ жоспарын құрудан (Дайындық кезеңі) бастап сабақтан кейінгі талқылау мен LS есеп жазуды кезең кезеңімен таныстырылды. Сонымен қатар мектеп мәдениеті мен оқыту дағдысының қалыптасуы маңызды екені түсіндірілді.