«Мектепке жол» акциясы

                           «Мектепке жол» акциясы

    Аз қамтылған, көп балалы отбасылардан шыққан білім алушыларға, жетім балалар мен ата-анасының қамқорлығынсыз қалған балаларға оқу жылының басталуына дайындық кезеңінде материалдық және өзге де көмек көрсету және әлеуметтік себептер бойынша балалардың мектепке бармауының алдын алу мақсатында жылда  республикалық «Мектепке жол» акциясы ұйымдастырылатыны белгілі. Дәстүрлі шараға ШҚО ББ Аягөз аудандық білім бөліміне қарасты «Қалалық қазақ мектеп-лицейі» КММ-нің ата-аналары да атсалысты.                                                                                                                

     Атап айтқанда, Берікболова Г. 5 оқушыға сабаққа кигенге  ақ көйлек, қара шалбар, қыздарға ақ кофта сыйға тартса, Жумадилова Н., Сарсембаева М.,   Карагуланова А.,   Акешева Б., Қондыбаева А., Парасатова Б. секілді ата-аналар әрқайсысы 5000 т. көлемінде канцтоварға көмек көрсетті. Жалпы акция барысында көрсетілген көмек құны 50500 теңгені құрайды.

    Халықтың әлеуметтік осал топтарынан шыққан балаларды мектепке дайындауда қайырымдылық көмек көрсетіп,  азаматтық белсенділік танытқан ата-аналарға мектеп-лицей әкімшілігі мен оқушылар атынан алғыс айтамыз.