«Жазғы мектеп» өз жұмысын бастады

Білім және ғылым министрі Асхат Аймағамбетовтың оқу жылын аяқтау туралы 2021 жылғы 5 мамырдағы №203 бұйрығына сәйкес «Қалалық қазақ мектеп-лицейі» КММ-нде 26 мамыр мен 19 маусым аралығында  оқыту сапасын арттыру, білім алушылардың, оның ішінде үлгерімі төмен білім алушылардың біліміндегі олқылықтарды қалпына келтіру және білімін толықтыру мақсатында «Жазғы мектеп»  ұйымдастырылып, сабақ кестесі мен жұмыс жоспары бекітіліп өз жұмысын бастады. Мектебімізден 95 оқушының ата-анасы әр түрлі пән бойынша балаларының жазғы мектепте оқуына ниет білдірді. Жазғы мектеп білім алушыларының оқу жетістіктері бағаланбайды, үй тапсырмасы берілмейді, мектеп формасы талап етілмейді, мектеп кітапханасына, цифрлық білім беру ресурстарына қолжетімділік қамтамасыз етіледі. Ұстаздарымызға білім алушылардың танымдық ынтасын арттыру мақсатында қосымша ойын-сауық материалдарын, тест тапсырмаларын, шығармашылық сипаттағы дидактикалық материалдарды, презентацияларды, сараланған оқу тапсырмаларын пайдалану ұсынылды. Барлық санитарлық талаптар мен қауіпсіздік қамтамасыз етілді.

.