Онкүндікке байланысты әр түрлі мерекелік шаралар

"Қалалық қазақ мектеп-лицейі" КММ-нде "Наурыз-2021" дәстүрлі мерекемізді өткізуге арналған онкүндікке байланысты әр түрлі мерекелік шаралар жүргізілді. Көрісу күнінде онкүндіктің ашылуы өтіп, қазақтың ұлттық мейрамы Наурыз туралы бейнероликтер түсірілді. Шежіре күнінде кітапханада қазақ халқының ру атауларына қатысты тәрбие сағаты өткізілді. Тарихқа тағзым күнінде Ұлттық қолөнер бұйымдарынан көрме ұйымдастырылды. Игі істер күнінде ата-аналардың қолдауымен «Қайырымдылық жасасаң, қайырын өзің көресің» қайырымдылық марафоны өткізіліп, бірнеше отбасыға көмек көрсетілді. "Таза табиғат" акциясы бойынша "Әр жанұядан бір ағаш" челленджі өткізілді. Шымырлық күнінде дене шынықтыру пән мұғалімдерінің ұйымдастыруымен ұлттық спорт ойындары (асық, тоғызқұмалақ, жамбы ату, ақсүйек, шалма, арқан тарту, күрес, ләңгі тебу және т.б) өткізілді. Зияткерлік күні айтыс өнерінің жойылып бара жатқан түрлерін 5-7 - сыныптар бейнеролик арқылы көрсетті. Сонымен қатар кітапханашының ұйымдастыруымен «Ертегілер елінде», «Әжемнің ертегілері», «Bookdating», «Nayryz brain ring», «Отбасылық кітапхана Party» сынды әртүрлі кітапханалық жобалар өткізілді. «Наурыз – жалпыұлттық бірлік мерекесі» тақырыбында 1-11 - сыныптарға тәрбие сағаттары өткізілді. «Баталы ұлға бақ қонар» атты видеороликтер байқауы өткізіліп, 6 - сынып оқушысы Дүйсенбай Ералы Бас жүлде иеленіп, аудандық кезеңінде де жүлделі I орынмен марапатталды.
Қазақтың жаңа жылы - 22 наурыз Ұлыстың Ұлы күні баршаңызға құт- береке, ырыс-несібе, мол бақыт әкелсін. Ақтың молаятын, жарықтың ұзаратын, нұрдың молығатын, тіршіліктің жаңаратын, өмірдің жаңғыратын, пейілдің түзелетін,көңілдің кеңитін кезеңі - Наурыз мейрамы құтты болсын!