«Әжелер сөзі – ақылдың көзі» атты тәрбиелік-танымдық сұхбат кеші

Қалалық қазақ мектеп-лицейінде отбасылық және ұлттық құндылықтарды насихаттау мақсатында әжелер клубы құрылды. Әжелер клубының жетекшісі болып тәжірибелі ұстаз Байкалиева Алтын Жексенбайқызы тағайындалды. Клуб жетекшісінің  ұйымдастыруымен каникул күндері «Әжелер сөзі – ақылдың көзі» атты тәрбиелік-танымдық сұхбат кеші өткізілді. Бұл кешке өзінің еңбек жылдарын ұрпақ тәрбиелеуге арнаған, «Нұр Отан» партиясының төрайымы Қаншайым Тойшыбекқызы, «Бозай» ауылынан арнайы келген Зәуре Тұрылханқызы, ақ жаулықты әжеміз  Айтолқын Сенбіқызы,  бала тәрбиесімен қатар тазалық пен ұқыптылықты бірінші орынға қойған Назым Аллабергенқызы, «Шынқожа батыр» ауылынан, тыл ардагері, қарттар арасында өткен облыстық бата беру сайысының бас жүлдегері Аманғайша Ахатқызы келді. 

      Клубтың мақсаты: Қазақтың салт-дәстүр, әдет-ғұрыптарын бойға сіңіру арқылы жас ұрпақты тәрбиелеу. Әже тәрбиесін үлгі ету, әрі олардың өнегесін күнделікті өмірде пайдалану. Қыз-келіншектердің рухани-адамгершілік, әдептілікпен қатар ата-енені сыйлау, имандылық қасиеттерді бойына сіңіру. 

      Тәрбиелік-танымдық сұхбат кеші барлық санитарлық талаптарды сақтай отырып өтілді. Кешке қатысқан қыз-келіншектер өте риза болды. Бұл клуб өзінің жұмысын келешекте де жалғасатын болады.