Ұлыстың Ұлы күніне арналған іс-шаралар

«Қалалық қазақ мектеп-лицейі»КММ-де «Наурыз-2021» іс-шаралары атап өтілді. 10 күнге арналып, әр күнге атау беріліп, төмендегідей жұмыстар жүргізілді. Бірінші күні  «Көрісу күні» бастауыш сынып оқушылары қазақтың ұлттық мейрамы «Наурыз»  туралы бейнероликтер шеруін жасады. Кітапханада қазақ халқының ру атауларына қатысты тәрбие сағаты жүргізілді. Наурыз мерекесіне арналған «Қуыршақ» театрының кезекті қойылымы қойылды.Жетекшісі - А.Лебаева. Көркем еңбек пәні мұғалімдері ұлттық қол өнер бұйымдарынан көрме ұйымдастырды. «Қайырымдылық жасасаң, қайырымын өзің көресің» атты қайырымдылық марафоны өткізілді. Онда әлеуметтік жағдайы төмен  отбасыларға мектеп-лицей ата-аналары демеушілік көмек көрсетіліп, қайырымдылық танытты. «Таза табиғат акциясына әр жанұядан 1 ағаш» челленджі  ұйымдастырылды. Дене шынықтыру пәні мұғалімдері "Шымырлық күні" ұлттық спорт ойын түрлерінен жарыстар өткізді. Ал айтыс өнерінің жойылып бара жатқан «Бәдік айтыс», «Жұмбақ айтыс», «Салт айтыс», «Өтірік айтыс» түрлерін 5-6 сынып жетекшілері оқушыларына насихаттады. Барлық сыныптарда Ұлыстың ұлы күніне арналған тәрбие сағаттары өткізілді. Ұлыс оң болсын, ақ мол болсын!