Желтоқсан желі ызғарлы" атты желтоқсан оқиғасына қатысушылармен кездесу

Қалалық қазақ мектеп-лицейі" КММ-нде Асем Аскаровнаның ұйымдастыруымен 16 желтоқсан тәуелсіздік күніне орай "Желтоқсан желі ызғарлы" атты желтоқсан оқиғасына қатысушылармен кездесу өткізілді. Мақсаты: Желтоқсан көтерілісінің сипатын насихаттай отырып, Желтоқсан құрбандарын мәңгі есте сақтау; Желтоқсан көтерілісін көзбен көрген, тарихи оқиғаға куә болған адамдармен кездесе отырып, жас ұрпақ бойына еліне, жеріне, ұлтына деген патриоттық сезімін қалыптастыру.
Мерекелік кездесуге Желтоқсан оқиғасына қатысқан ардагерлер Омаргазин Өміржан Мұқанұлы мен Аягөз станциясының локоматив бригадаларының демалыс үйінің меңгерушісі Маматаева Сандуғаш Кабдышевна шақырылды. Кездесу барысында қонақтар бастан кешкен оқиғалары, естеліктерімен бөлісіп, оқушылардың сұрақтарына жауап берді. Сонымен қатар "Жас ақындар" клубының мүшелері тәуелсіздік күніне өз арнауларын арнаса, лицейіміздің өнерпаз оқушылары әннен шашу шашты. Кеш соңында желтоқсан оқиғасына қатысушыларға сыйлықтар табысталды.